Tippi á tippi ofan!!

Þar sem ég sit í vinnunni, get ég ekki annað en hugsað um tippi!!

Stór tippi, lítil tippi, tippa stækkun, viagra.....

Þannig er mál með vexti að vírusvörnin hrundi í tölvunni hjá mér og núna er ég að fá allskonar vibba póst um hin og þessi ráð til þess að stækka tippi.

Ég hreinlega vissi ekki að tippastærð væri svona rosalega umdeild á netsíðum í dag.

Penis enlargement?Are you the smallest one in the bunch?Do you have a hard time satisfying a woman?

Do the other guys laugh at you?

Best price of Viagra only today... en þetta kemur á hverjum degi!!

Short dick? Safe, effective and 100% natural, Adds 1-4 inches!!!

Hard and big!!!!

Be a real man with a real penis!!

She will love you more then any other man!!

 Eru allir búnir að gleyma gamla góða orðatiltækinu:

"it is not the size of the ship... it is the motion of the ocean..."

Ég bara spyr, er einhver að taka mark á pósti sem þessum? Hvað er það sem fólk fær út úr því að senda svona bréf?

Það er allavega bókað að ég get ekki lesið fleiri tippa pósta í dag, og mun því passa upp á að vírusvörnin verði komin í lag sem alllllllrrrrraaaa first!!

 

Bros Gissurs gaf mér von um að fleiri Austfirðingar væru á svæðinu.

Ég var frekar þreytt á föstudaginn eftir langa viku og langaði helst til þess að sitja heima með fæturnar upp í loft og horfa á sjónvarpið. En þið þekkið mig, ég lét plata mig á ball, ég hefði nú ekki farið nema af því að þetta var hið margrómaða austfirðinga ball á Players.

Ég eyði dágóðum tíma í að skrúbba af mér vikuna og mála í burt þreytuna og vel svo djammgallan, hæfilega djarfan, en samt með snyrtimennskuna í fyrirrúmi til þess að heilla samfirðinga mína.

Um klukkan 01:00 er ég mætt á svæðið og alveg tilbúin að tjatta við allt fólkið sem ég hef ekki hitt svo lengi, og hlakka mikið til að deila með þeim því sem gerst hefur í mínu lífi.

Ég rölti brosandi einn hring, svona til þess að sýna mig og sjá aðra. Brosið fer nú samt heldur að frjósa á andlitinu mínu þegar ég byrja að labba öðru sinni um staðinn, því ég þekki engann og hef engann til þess að brosa til.

Ég lít á inngöngumiðann sem ég keypti í miðasölunni til þess að tryggja það að ég hafi nú ekki farið dagavilt og hafi óvart keypt mig inn á Skagfirðingakvöld eða hagyrðingakvöld Þingeyjinga. En nei mér til mikils léttis, en jafnframt mikillar undrunar þá var ég stödd á austfirðingaballi, með engum kunnuglegum austfirðingum.

Ég snara mér þá á barinn, og viti menn ég þekki stelpuna á barnum, hef stundum kippt henni með mér til að vinna í veislum hér og þar. En hún er langt frá því að vera að austan.

Með sódavatn í hönd stilli ég mér á góðan stað þar sem ég hef góða yfirsýn yfir staðinn, dansgólfið og síðast en ekki síst innganginn, því ég var orðin mjög svo þurfandi að sjá kunnuglegti andlit. Í því svífur Gissur fyrrum bekkjarbróðir minn framhjá mér, nikkar og sendir til mín broshrukku.

Þetta gladdi mitt litla hjarta óumflyjanlega, ekki það að nikk Gissurs hafi gert svo mikið fyrir mig hingað til hvað þá broshrukkur hans, en bara að vita af öðrum Norðfirðingi á svæðinu gaf mér von um að það væru fleiri á leiðinni.

Einu sódavatnsglasi seinna sé ég glitta í kunnuglegt andlit í þvögunni. Ég brosi alveg út að eyrum til þess að vera alveg viss um að ég fari ekki fram hjá henni Ástu Særúnu. Hún virtist vera alveg jafn ánægð að sjá mig, þetta var engu líkast en við værum að hitta hvor aðra að tilviljun á götu úti í Hong Kong, því það kom okkur báðum svo á óvart ða þekkja einhvern á svæðinu.

Hún færði mér þær fréttir að hún þekkti heldur engann þarna, en brosir svo og segir, ég sá samt hann Gissur hérna áðan, og virtist hún vera jafn ánægð með að hafa séð hann Gissur og ég, þó ég minnist þess ekki að hvorug okkar hafi einhverntímann talað við Gissur!!

Fimm fimmtugar kellur á klóinu

Veit ekki hvað málið er, kannski fer fólk bara svo sjaldan út úr húsi? Kannski er það gleymið ? Kannki er lásinn bilaður? eða kannski er þetta einhverrsskonar sýniþöf?

Hvað sem það er þá fannst mér ekki gaman að labba inn á þessar konur sitjandi á klósettinu. Ég var eiginlega farin að halda að það væri einhver álög lögð á mig, hver labbar inn á fimm konur sitjandi á klósettinu á einni helgi?

Nema kannski ég.... ;o(

 

Internetið er til fyrir tilstilli hernaðar og kláms...

.. er á meðal þess sem ég lærði í skólanum í dag.

Þannig er mál með vexti að vísindamenn búa til nýja hluti í þessum heimi, hvað Internetið varðar þá var það afrakstur kjarnorkuvísinda, því herinn þurfti að finna fljótari leið til þess að koma gögnum á milli.

Þá grípa "nördarnir" inn í og stela þessari hugmynd af vísindamönnunum, og betrumbæta hana auðvita. 

Nú þegar nördarnir voru búnir að lagfæra, breyta og auðvelda þetta ferli, tekur klámiðnaðurinn við og eftir það er ekki aftur snúið. I

nternetið (sem átti að vera svakalega "professional" verður að soramiðli, en við hin græðum á því þar sem eftir það verður Internetið "idiot-proof" og aðgengilegt hvejum sem er.

 

Þetta er í sjálfum sér alveg ágætlega falleg saga, en mínar áhyggjur liggja þó í því að ef "nördunum" tókst að gera internetið aðgengilegt klámiðnaðnum, og klámið gerði það aðgengilegt almenningi, hvað er þá langt í nördarnir komist yfir kjarnorkuna og fara að gera hana aðgengilegri?

 

 

Pakkað inn í dánarfregnir

Eins og hefur oft komið fram áður, þá er ég að flytja, ekki eins og það sé eithvað sérstakt út af fyrir sig. Heldur var ég að pakka inn öllum diskunum og stofu skrautinu í gær í dagblöð, svona eins og allir gera. Ég fór þá að horfa á blaðsíðurnar sem ég var að pakka dótinu mínu inn í og tók þá eftir að ég var að pakka því  inn í minningar af láttu fólki. Ég fékk bara illt í magan af vanvirðingu við hina látnu.

Hugsaði um það ef ég væri dáinn og einhver myndi nota minningar annarra af mér til þess að pakka inn ómerkilegum diskum og glösum. Mér fannst bara allt í einu eins og það væri vanvirðing við líf þessarra manneskja að nota minnigar þeirra sem brotavörn á ómerkilegum hlutum í minni eigu.

Svo ég tók út blaðsíðurnar með minningarskrifum annarra og henti í ruslið, og hélt svo áfram að pakka. 

Ég skil ekki amerískan fótbolta

Það sem ég er búin að liggja heima með hor síðustu tvo daganna þá er ég svo til búin að horfa á allt sjónvarpsefni sem ég hef komist yfir. Þannig að ég ákvað að downloda þessum nýju þáttum "Friday Nights Lights". Hef svo sem ekkert út á þættina sem slíka að setja, ágætis afþreying og allt það. En ég bara næ ekki hvernig þessir "fótboltaleikir" þeirra virka.

þegar ég bjó út í Bandaríkjunum þá fór ég á þessa leiki, stóð upp í pöllunum og öskraði um leið og allir hinir öskruðu, ég náði aldrei almennilega hvað var að gerast. Annaðhvort unnum við "Go Solon" og þá var haldið gott party, eða við töpuðum "Go Solon" og þá var haldið ennþá viltara party... ether way I win... :o)

Svo núna er ég aðeins að reyna að átta mig á þessu, málið er semsagt að komast sem lengst yfir á helming andstæðinganna. Línurnar eru merktar 10, 20, 30.. og Touch down. Þeim mun lengra sem leikmaður kemst inn á hinn helminginn þeim mun fleiri stig fær liðið. Andstæðingarnir reyna á meðan að beita öllum brögðum til þess að stoppa leikmennina og tækla þá til þess að þeir fái eins fá stig og mögulegt er.

Er þetta á einhvern hátt út á það sem leikurinn gengur?? Því ef ekki þá þarf ég virkilega að fara taka betur eftir.

Hjálp????

 

 

Heimilislaus aumingi með hor og frunsu!!

Já þannig líður mér í dag. Ég rétt svo drattaðist fram úr rúminu í morgun til þess að hringja í vinnuna og segja að ég komist ekki því ég sé með uppsafnaðan horskammt á við heila mannsæfi fasta í nefinu. Þeim fannst þetta ekkert mjög svo smekkleg lýsing á ástandi mínu, en tóku vel í það að ég væri bara heima í svona eins og 2 daga.

Þar sem ég er að flytja þá er ekki mikið hægt að gera heima hjá mér núna, en sófinn og sjónvarpið er enn á sínum stað, svo ég ætti að geta dormað mér fyrir framann imbann í dag og safnað snýtupappírs haug á gólfið við hliðina á mér.

Ég fór áðan í Lyfju Lágmúla til þess að kaupa mér allt það sem lasinn manneskja þarf, ég bað bara um allt sem þyrfti, þeir ættu í raun að selja svona "survival kit" í flesunni fyrir fólk eins og mig sem veit ekkert hvað á að kaupa þegar maður er lasinn með strepsil, panodil, panodil hot, naseril, smá súkkulaði, kók og einni klassískri spólu, eða friends þáttum.

Fyrir utan allt þetta þá er ég með stærðarinnar frunsu á neðrivörinni sem tók sér bólfestu þar í síðustu viku og virðist ekkert vera að flýta sér að fara í burtu. Þannig að ég er verulega lasinn, ef þið voruð ekki búin að taka eftir því!!

 Kallinn minn sagði mér samt að ég væri fallegust í morgun, hann er svo sætur þessi elska, hann kann að ljúga að mér á örlagastundum, en það er fyrir mestu

Vona að mér gangi betur á morgun þegar ég er búin að sturta í mig öllum þessum mixturum og pillu, og mögulega fer þessi frunsa að sjá sér fært að fara eitthvað annað!!

Sorglegur fyrsti skóladagur

Ég hef alltaf verið mjög spennt fyrir fyrsta sóladeginum. Alveg frá því að ég var lítil hnáta, hef ég varla getað sofið af spenningi. Ég hef billt mér alla nóttin, skoðað stundaskránna, lært hana utanaf og verið að skipuleggja mig í kringum skólann.

Af minni 20 ára skólagöngu þá er þetta fyrsta önnin sem ég hef ekki verið neitt spennt fyrir skólanum. Ég hefði ekki einu sinni vatað af því að skólinn byrjaði í dag nema vegna þess að ég fékk sms - frá einum samnemenda mínum.

Veit ekki af hverju skólinn er ekki lengur svona spennandi í mínum huga? Kannski er ég bara orðin gömul og þreytt á skóla... finnst það reyndar vera mjög ólíkleg skýring!!

Held reyndar að það sé vegna þess að núna er ég í 100% vinnu með og lifi ekki aðeins fyrir skólann eins og áður, núna mæti ég í skólan ef ég hef tíma, og plana því ekki minn tíma í kringum skólann heldur í kringum vinnuna.

Er það kannski ellimerki!!

 

Ég er kókisti, en vá lesið þetta!!

ÞETTA EINFALDLEGA VERÐUR MAÐUR AÐ LESA!

 VATN:
75% Bandaríkjamanna eru með krónískan ofþurrk. (Á sennilega viðhelminginn af íbúum jarðar)
 Hjá 37% Bandaríkjamanna er þorstaskynjunin orðin svo slök að hún er oft túlkuð sem hungur.
Jafnvel vægur ofþurrkur getur hægt á brennslukerfi líkamans um 3%.
Eitt glas af vatni nægði til að slá alveg á hungurverki seint að kvöldi hjá næstum 100% þátttakenda  í könnum hjá Háskóla í  Washington.
 

Ónóg neysla af vatni, er í FYRSTA SÆTI yfir það sem veldur þreytu yfir daginn.
 

Niðurstöður úr einni könnun gefa til kynna að drekki fólk 8-10 glös af vatni yfir daginn gæti það létt á bakverkjum og liðaverkjum hjá allt að 80% þeirra sem þjást af þessum verkjum.
 

Ef vatnið í líkamanum minnkar um aðeins 2% getur það valdið lélegu skammtímaminni, erfiðleikum með einfalda stærðfræði og skorti á einbeitingu við lestur á tölvuskjá eða annað prentmál.
 

Að drekka 5 glös af vatni á dag dregur um 45% úr áhættu á krabbameini í þörmum auk þess sem það getur dregið allt að 79% úr áhættu á brjóstkrabba og lækkar áhættu karlmanna á blöðruhálskrabbameini um 50%.

 Viltu ekki fá þér vatnssopa???

KÓK:
Í mörgum bandarískum fylkjum er vegalögreglan með 10 lítra af kóki bílunum hjá sér til að þrífa blóð af vegum eftir umferðarslys.

Þú getur sett T-Bone steik í skál af kóki og hún verður horfin eftir 2 daga.

Til að hreinsa klósettið:
Helltu einni dós af kók ofan í klósetið, bíddu í eina klukkustund og sturtaðu svo niður. Sýran í kókinu leysir upp bletti.

Til að fjarlægja ryðbletti af krómstuðurum: Dýfðu krumpuðum álpappír í kók og nuddaðu stuðarann.
 

Til að hreinsa rafgeyminn í bílnum: Helltu einni dós af kók yfir rafgeymatengslin.

Til að losa ryðgaðan bolta (skrúfu): Rennbleyttu tusku með kóki og haltu henni að boltanum í nokkrar mínútur.

Til að fjarlægja fitubletti úr fatnaði: Helltu einni dós af kók í þvottavélina bættu við þvottaefni og þvoðu eins og venjulega. Kókið leysir upp fitublettina.

Framrúðan á bílnum þínum hreinsast líka vel með kóki.

Virka efnið í kók er phosphoric acid.  Ph í kók er 2.8. Það getur leyst upp nögl á ca fjórum dögum.

Til að flytja Coca-Cola sýrópið (fullan styrk) þurfa vöruflutningabifreiðar að hafa á sér viðvörunarskilti
sem einungis eru notuð á bíla sem annast flutning á MJÖG ÆTANDI EFNUM.

Dreifingaraðilar Coca-Cola hafa notað gosdrykkinn í um það bil 20 ár til að hreinsa vélarnar í trukkunum hjá sér.

Langar þig enn í hressandi dós af Cola drykk?

...og meira af íbúðarleit!!

vá það er alveg ótrúlegt hvarnig myndir fólk setur inn á netið af íbúðunum sínum og ætlast svo til þess að þær séu keyptar, svona í alvöru!!

Ég er, eins og áður hefur komið fram, í íbúðarleit og er því að "surfa" á netinu daglega til þess að sjá og spá og spöglera.

Sumar íbúðir hleypur maður einfaldlega yfir vegna þess að eigandanum ljáðist að taka til heima hjá sér áður en myndirnar voru teknar. Hverjum dettur þér í hug að mig langi til þess að skoða skoða skítinn heima hjá þér, hvað þá að kaupa hann!!!